Wani rahoton aiki da kotun kolin jama'a ta kasar Sin (SPC) ta fitar Talatar nan, na nuna cewa, kasar Sin na daya daga cikin kasashen da suka fi zaman lafiya a duniya.

Rahoton wanda aka mika wa majalisar wakilan jama’ar kasar Sin domin tattaunwa, ya bayyana cewa, adadin manyan laifuffuka iri-iri guda takwas, kamar kisan kai, da fyade da kuma satar mutane, ya ragu matuka, yayin yawan irin wadannan laifuffuka da ke cikin laifuffuka duka shi ma ya ragu sosai

A cewar rahoton kotun kolin, kasar Sin ta sanya hukunci mai tsauri kan laifuffukan da suka shafi cin hanci da rashawa kamar yadda dokokin kasar suka tanada, A hannun guda kuma a shekarar 2021, kotunan kasar Sin, sun kammala yanke hukunci kan kararraki 23,000 da suka shafi cin hanci da rashawa, wadanda suka shafi mutane 27,000. (Ibrahim)