161214-Ziyarar-aikin-da-abokan-aikinmu-suka-kai-birnin-Quanzhou-dake-lardin-Fujian-na-kasar-Sin.m4a

A kwanakin baya ne abokan aikin Ahmed Inuwa Fagam, Tasallah da Maryam suka kai ziyarar aiki ta kwanaki biyar a birnin Quanzhou dake lardin Fujian a nan kasar Sin. Yayin wannan ziyarci abokan aikin namu su ziyarci wasu daga cikin muhimman wuraren tarihi da ke birnin, wadanda suka hada da masallacin Qingjing wanda aka gina shi da duwatsu a shekarar Musulunci ta 400, wato yau sama da shekaru 1400 ke nan da suka gabata. Kuma wani abin mamaki shi ne har yanzu wannan gini na masallacin yana nan daram, kuma wannan masallaci shi ne kusan masallaci na farko da aka gina a nan kasar Sin, kuma har yanzu ana kula da masallacin yadda ya kamata. Koda yake an samu sauye sauye masu yawa a tsarin mallacin inda wasu attijiran kasashen Larabawa suka sake ginin sabon masallacin a shekarar 2009.

Baya ga wannan masallaci mai dadadden tarihi, sun kuma ziyarci wasu daga cikin wuraren addinan Buddah da na mabiya darikar Katolika, inda suka ga wasu muhimman gine gine masu dadadden tarihi a wannan birnin na Quanzhou.

Kasancewar wannan ziyara ta shafi wurare na musamman, sun kuma ziyarci wani kanti sayar da kofi na musamman wanda wata mace Basiniya tare da hadin gwiwar mai gidanta suke gudanar da harkokin kasuwanci tare a wannan shago.

Sannan kuma sun ziyarci sauran wurare da suka hada da wuraren sarrafa 'ya'yan itatuwa ko kuma kayan marmari da ake hada abinci na musamman. A taikace dai ziyara ce mai matukar armashi kuma mai cike da tarihi.

Mun tattauna da Ahmed Fagam game da wannan ziyara a cikin wannan shiri, da fatan za ku kasance tare da mu. (Ahmed, Ibrahim/Sanusi Chen)