Ran 2 ga wata da yamma, yara 89 da malamai 16 daga wuraren da ke fama da bala'in girgizar kasa na lardin Sichuan sun sauka birnin Sanya na lardin Hainan domin karbar aikin jiyya kan hankali ta hanyar yawon shakatawa wanda za a shafe kwanaki 15 ana yinsa.

Lardin Hainan yana da kyawawan wurare, yara da suka jikata a sakamakon al'amarin Beslan na kasar Rasha sun taba karbar jiyya a wannan wuri. Hukumomin da abin ya shafa na lardin Hainan sun shirya wannan aiki domin kwantar da hankulan yaran da suka taba shan wahalar bala'in girgizar kasa na lardin Sichuan. Yayin da suke yin yawon shakatawa a lardin Hainan, yara za su kai ziyara ga wurare dabam daban na lardin Hainan, kuma wasu kwararu za su ba da taimako kan hankulansu.

Ban da haka kuma, bisa labarin da muka samu daga kamfannin dilancin watsa labaru na ITAR-TASS, a ran 16 ga wannan wata, 'yan makaranta 20 daga wuraren da ke fama da bala'in girgizar kasa na lardin Sichuan za su je jihar Chelyabinsk ta kasar Rasha domin karbar jiyya. Kuma za su kai ziyara ga gidajen tarihi, da shahararren wurare da birnin Chelyabinsk.

A ran 23 ga watan Mayu, yayin da Mr. Medvedev shugaban kasar Rasha ke yin shawarwari tare da Mr. Hu Jintao shugaban kasar Sin a nan birnin Beijing, ya wakilacin gwamnatin kasar Rasha domin gayyatar wasu 'yan makaranta daga lardin Sichuan zuwa kasar Rasha domin karbar jiyya.