A gun taron, bisa sunayen mutanen da Wen Jiabao, firayim ministan majalisar gudanarwa ta kasar Sin ya gabatar, an tsai da sauran 'yan majalisar gudanarwa, wato Li Keqiang da Hui Liangyu da Zhang Dejiang da Wang Qishan sun zama mataimakan firayim minsitan kasar, yayin da Liu Yandong da Liang Guanglie da Ma Kai da Meng Jianzhu da kuma Dai Bingguo suka zama membobin majalisar. Ban da wannan kuma taron ya sanar da sunayen babban sakataren majalisar gudanarwa da ministoci daban daban da shugabannin kwamitoci daban daban da shugaban bankin jama'ar kasar Sin da kuma shugaban hukumar binciken kudi ta kasar.

Bisa kudurin da taron ya tsayar, shugaba Hu Jintao na kasar Sin ya ba da umurnin shugaba na biyu don nada majalisar gudanarwa da taron ya zartar ta hanyar jefa kuri'a da kuma membobinta.(Kande Gao)