Barkanku da war haka, barkammu da sake saduwa da ku a shirinmu na sashen hausa na gidan rediyo na kasar Sin. A cikin shirinmu na yau za mu kawo muku wani bayani na musamman kan yadda mutanen kasar Sin suke gudanar da bikinsu na sabuwar shekara tasu.

B: Bisa kalandar gargajiya ta kasar Sin, ranar 7 ga watan Fabrairu, bikin yanayin bazara ne na al'adun gargajiya na kasar Sin. Ga mutanen kasar Sin, bikin yanayin bazara gaggarumin biki ne a duk shekara. Ana yin bukukuwa iri iri domin murnar bikin nan tun daga ranar farko zuwa ranar 15 ga wata. A lokacin da ake yin bukukuwa, ana yin tsofaffin wasanni iri iri na gargajiya masu ban sha'awa da yawa shekara da shekaru. Yanzu mu shere ku da wasu abubuwan masu ban sha'awa da aka yi yayin da ake gudanar da bikin yanayin bazara.

A :Bisa kalandar gargajiya ta kasar Sin, a ranar farko ta watan farko, mutanen Sin su kan mika gaisuwar fatan alheri ta sabuwar shekara. Da safe maza da mata tsofaffi da yara su kan sa kayan ado su kan tafi gidajen danginsu ko abokansu domin mika gaisuwar fatan alheri ta sabuwar shekara, wasu suna gida suna jiran zuwan baki. Da suka ga juna, su kan ce " barka da sabuwar shekara"ko"ina yi maka fatan alheri na sabuwar shekara."

B :Yayin da ake mika gaisuwar fatan alheri, yara da samari su kan nuna fatan alheri na sabuwar shekara ga manya da tsofaffi kuma suna fatan tsawon rai da zaman lafiya su tabbata gare su. Manya da tsofaffi su kan ba yaran da samarin kyaututtukan kudi.

A :A kan bayar da kyaututtukan kudi a jajibere ko ranar farko ta sabuwar shekara. Idan aka yi a jajibere ba za a maimaita shi a kashegari ba.

B: gaskiyarka. A da kudin kyauta da aka baiwa yara da samari bai yi yawa ba, yaran da samarin da suka samu kyaututtukan kudi su kan yi amfani da su wajen sayen abin lashe-lashe da tande-tande ko kayan wasa. Ga shi a yau zaman sinawa na kara kyautattuwa, kudin kyautar da aka baiwa yara da samari ya kara yawa, wasun yaran sun tattara kudaden da aka ba su, sun maida su kudin taimako, sukan aika da kudin zuwa ga takwarorinsu 'yan makaranta da ke zama a cikin yankin duwatsu da ke fama da talauci a ganinsu hakan ke da muhimmiyar ma'ana.

A: karar da kuka ji kara ne da akan ji a yayin da ake yin wasan wuta. Wasan wuta wani muhimmin wasa ne da ake yi daga cikin wasannin gargajiya masu ban sha'awa da ake yi a ranar farko ta sabuwar shekara. An ce karar wasan wuta tana kore abubuwa masu bata rai da marasa kyau daga zukatan jama'a da kuma kawo farin ciki da fatan alheri da kuma abubuwa masu kyau a gida.