Yau 1 ga wata zagayowar ranar ce ta cika shekaru 80 da kafa rundunar sojojin jama'ar Sin ta kwatar 'yancin kasa, kwamitin tsakiya na Jam'iyyar Kwaminis ta Sin da majalisar gudanarwa ta kasar da kuma kwamitin aikin soja na tsakiya na kasar sun shirya babban taro a babban zauren taruwar jama'a na Beijing don murnar ranar cika shekaru 80 da kafa rundunar sojojin jama'ar kasar da taron wakilan jarumai na duk rundunar. Mr Hu Jintao, babban sakataren kwamitin tsakiya na jam'iyyar, shugaban kasar kuma shugaban kwamitin aikin soja na tsakiya na kasar ya bayar da jawabi a gun taron, inda ya nuna babban yabo ga rundunar sojojin kasar, sabo da aikin bajinta da ta yi wajen kwatar 'yancin jama'ar Sin da raya zaman gurguzu da yin aikin kwaskwarima a kasar, da kuma kiyaye 'yancin kan kasa da tsaro da cikakken yankin kasar.