|
Firaministan kasar Sin Mr. Wen Jiabao ya bayyana a nan birnin Beijing a ran 5 ga wata cewa, kasar Sin za ta tsaya tsayin daka kan bin hanyar samun bunkasuwa cikin ruwan sanyi, za ta karfafa aiwatar da manufofin diplomasiyya daga duk fannoni bisa tushen ka'idoji 5 na yin zaman tare cikin lumana.
Mr. Wen ya yi wannan bayani ne a gun taron shekara-shekara na taron majalisar wakilan jama'ar kasar Sin da aka yi a ran nan.
Mr. Wen ya kara da cewa, cikin himma da kwazo ne kasar Sin za ta ingiza raya tsarin kasashen duniya cikin adalci, bisa ka'idojin da take tsaye gane da daidaita harkokin duniya ta hanyar dimokuradiyya da adalci, da yin zama mai jituwa da amincewa da juna, da yin zaman daidai wa daida da moriyar da juna, da kuma bude kofarta ga kasashen duniya da yi musu tausayi.(Tasallah)
|
