Yau da safe da misalin karfe 10 da mintoci 20, aka kammala aikin mika wutar wasannin Olympic na nakasassu a nan birnin Beijing. Gobe, za a mika wutar a lambun sha iska na Chaoyang.
Tsawon hanyar da aka bi wajen mika wutar na yau ya kai kilomita 6.4, da akwai masu mika wutar 120, a cikinsu da akwai nakasassu 30. Da misalin karfe 8 da rabi na safe, wutar ta iso ginin cibiyar sabon karni ta kasar Sin, a sa'i daya kuma an kunna wutar dake cikin tukunya, daga baya, sai an kunna wuta ta farko da za a mika a nan birnin Beijing. In an kammala mika wutar a lambun shan iska na Chaoyang gobe da safe, za a kai wutar zuwa filin wasannin motsa jiki na kasar Sin don kunna babbar wuta a lokacin da za a yi bikin bude wasannin Olympic na nakasassu na Beijing a ran nan.(Asabe)
|