CRI ONLINE HAUSA

Sudan: An cafke masu buga kudin jabu

2020-07-07 10:11:00 cri

Hukumar tsaron farin kaya a Sudan ko GIS a takaice, ta sanar da cafke wani gungu na masu buga kudin jabu. Hukumar ta ce an cafke manyan mambobin gungun da kudin jabu da darajar su ta kai Pounds 500,000 na Sudan, da ma sauran wasu kudaden kasashen waje.

Wata sanarwa da GIS ta fitar jiya Litinin, ta ce wannan ne karo na biyu cikin watan nan na Yuli, da hukumar ke nasarar damke gungun masu aikata wannan laifi.

Yayin simamen da jami'an tsaron suka kai maboyar masu aikata wannan laifi, sun gano wasu manyan na'urorin kwafar takardu, da sauran sinadarai da suke amfani da su wajen gurza kudaden na jabu.

Tattalin arzikin kasar Sudan na fama da kalubalen raguwar darajar kudi, da kuma hauhawar farashin kayayyaki. (Saminu)

Labarai masu Nasaba

Ga Wasu

v Sudan ta yaba da tallafin kasar Sin na yaki da COVID-19 2020-06-10 12:00:36
v Sudan za ta yi koyi daga nasarorin da Sin ta samu a yaki da COVID-19 2020-06-05 11:19:26
v UNICEF ta yi maraba da matakin gwamnatin Sudan na hukunta masu yin kaciyar mata 2020-05-03 16:12:58
v Sudan ta kudu ta zargi kungiyar 'yan adawa da sace fararen hula sama da 100 2020-04-07 11:16:40
v MDD ta nada Guang Cong dan kasar Sin jami'in musamman a Sudan ta Kudu 2020-03-25 09:45:45

• 201111-yamai1	• 201110-yamai1
• 201109-yamai1	• 201108-yamai1
More>>