2020-06-01 10:14:54        cri

Ma'aikatar ilimi ta jamhuriyar kasar Niger, ta ce jami'o'i da makarantun midil da na firamare za su bude daga yau Litinin, 1 ga watan Yuni, bisa la'akari da ingantuwar yanayin yaki da COVID-19 a kasar.

Haka zalika, gwamnatin kasar ta sanar ba gidajen rawa da na barasa a fadin kasar damar budewa.

Bisa alkaluman da ma'aikatar lafiya ta kasar ta fitar jiya, an samun sabbin mutane 13 da aka tabbatar sun kamu da cutar a makon da ya gabata, inda mutane 3 suka mutu. Tun bayan bullar cutar a ranar 19 ga watan Maris, an yi wa mutane 4,708 gwajin cutar, inda aka tabbatar mutane 958 sun kamu, daga cikinsu, 839 sun warke, yayin 64 suka mutu. (Fa'iza Mustapha)