Gwamnatin Najeriya ta ce daga ranar 1 ga watan Disambar karshen shekarar nan, sai ma’aikatan ta da suka nuna shaidar sun karbi rigakafin COVID-19 ne kadai za su samu izinin shiga ofisoshin gwamnati.

Da yake tabbatar da hakan, yayin wani taron manema labarai da aka gudanar jiya Laraba a birnin Abuja fadar mulkin kasar, sakataren gwamnatin Najeriyar Boss Mustapha, ya ce matakin wani yunkuri ne na karfafa gwiwar ‘yan Najeriya su amince da karbar rigakafin.  (Saminu)