Hukumar ajiyar hatsi da sauran kayayyaki ta kasar Sin, da hukumar abinci ta duniya WFP, sun kulla wata yarjejeniyar fahimtar juna a kwanan baya, a birnin Zhengzhou na kasar Sin, inda bangarorin 2 suka tabbatar da niyyarsu, ta zurfafa hadin kai a fannin samar da hatsi, da yada fasahohi masu ci gaba na kasar Sin ga sauran kasashe masu tasowa, ta yadda za a samu damar tabbatar da tsaron abinci a duniya.
Wajen bikin kulla yarjejeniyar, wani jami'in hukumar WFP, Stanlake Samkange, ya ce kasashen duniya za su iya koyon fasahohin kasar Sin, wadda ita ce aminiyar WFP, wajen yin hadin gwiwa, a kokarin kau da yunwa da tsananin talauci a duniya. (Bello Wang)
