An bude taron tattaunawa wayewar kan Asiya a yau Laraba 15 ga wata a nan birnin Beijing, inda shugaban kasar Sin ya gabatar da jawabi. Cikin jawabin, Xi Jinping, ya yi kira ga kasashen daban-daban da su yi watsi da bambancin ra'ayi da girman kai yayin tuntubar juna a fannin wayewar kai, tare da amfani da tsarin adalci da mutunta juna, ta yadda za a kara fahimtar wayewar kan bangarori daban-daban.

Mista Xi ya ce, ko wani wayewar kai na da ma'anarta. Akwai bambancin launin fata da harsuna daban-daban tsakanin Bil Adam, sannan akwai bambancin wayewar kai, amma cikinsu babu wanda ya fi wani. Ra'ayin bai wa launin fata da wayewar kai fifiko har ya kai ga neman gyara ko mamaye sauran wayewar kai, abu ne da bai dace da halin da ake ciki a duniya ba. Mista Xi na ganin cewa, Sin na fatan hada kai da sauran kasashen Asiya don kiyaye abubuwan tarihi na wayewar kai, don mara baya ga gadon wayewar kai. (Amina Xu)