A yayin da yake jawabi a babban taron tattaunawa kan wayewar kan Asiya da aka bude a yau Laraba, shugaban kasar Sin Xi Jinping ya bayyana cewa, kasar Sin a yau ba kasa ce kawai ta Sin ba, ita kasa ce ta Asiya, kuma kasa ce ta duniya.

Xi ya nuna cewa, wayewar kan kasar Sin wani muhimmin sashe ne na wayewar kan Asiya, tun fil azal wayewar kan kasar Sin na samun ci gaba a yayin da take kokarin gada da yin kirkire-kirkire, wadda ta nuna bukatun al'ummar kasar a fannin tunani. Ya ce nuna kirki ga makwabta da sada zumunta da kasashe daban daban, manufa ce da wayewar kan kasar Sin ke bi a fannin zama tare, da samar da gajiya ga jama'a da wadatar da jama'a jagora ce ta wayewar kan kasar Sin a fannin tunanin daraja, da yin kwaskwarima, dacewar yanayin da ake ciki hali ne na wayewar kan kasar Sin a fannin tunani.

Xi ya yi imanin cewa, kasar Sin a nan gaba za ta kara bude kofa ga kasashen duniya, tare kuma da bai wa duniya gudummowa a fannin nasarorin da za ta cimma a fannin wayewar kai. (Bilkisu)