in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Tsohon shugaban Sudan na fuskantar tuhumar kisan masu zanga zanga
2019-05-14 09:21:28 cri
Babban mai gabatar da kara a kasar Sudan, ya gabatar da karar tsohon shugaban kasar Omar al-Bashir gaban kuliya, bisa zargin sa da tunzurawa, da sanya hannu ga kisan masu zanga zanga.

Cikin wata sanarwa, mai gabatar da karar ya gabatarwa kotu batun kisan Babikir wanda jami'an tsaro suka hallaka a yankin Buri. Ya kuma bukaci kotun da ta gaggauta bincikar dukkanin kararrakin kisan masu zanga zangar kasar ta baya bayan nan.

Kafin hakan, mukaddashin babban mai shari'ar kasar Al-Waleed Sid-Ahmed Mahmoud, ya ba da umarnin yiwa al-Bashir tambayoyi, game da zargin safarar kudaden haram, da tallafawa 'yan ta'adda da kudade.

Tuni dai shugaban majalissar soji mai rikon kwarya a Sudan Abdel-Fattah Al-Burhan, ya ce aikin majalissar shi ne jan ragamar kasar na wani lokaci, bayan hambarar da tsohuwar gwamnatin al-Bashir. (Saminu Alhassan)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China