in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Shugaban Sri Lanka ya haramta kungiyoyin masu tsattsauran ra'ayi biyo bayan hare haren da aka kai kasar a lokacin bikin Easter
2019-04-28 16:49:58 cri
Shugaban Sri Lanka, Maithripala Sirisena, ya ayyana haramta kungiyoyin National Thawheed Jammath NTJ da Jamathei Millathu Ibraheem JMI, wadanda ake zargi da kai hare-haren ranar Lahadin da ta gabata, wadanda suka yi sanadin mutuwar mutane sama da 250 da jikkatar wasu 500.

Sanawar da ofishin shugaban kasar ya fitar jiya Asabar, ta ce karkashin dokar ta baci, shugaba Sirisena ya dauki matakan ayyana kungiyoyin NTJ da JMI a matsayin haramtattun kungiyoyi a kasar.

A don haka, gwamnati za ta kwace dukkan wasu ayyuka da kadarorinsu. Sanarwar ta kara da cewa, ana daukar matakan haramta sauran kungiyoyin masu tsattsauran ra'ayi karkashin dokar ta baci.

A ranar Talata ne Shugaban kasar ya ayyana dokar ta baci na wucin gadi a kasar, domin kama wadanda ake zargin 'yan ta'adda ne da suka kitsa hare-haren da aka kai majami'u da manyan otel otel a makon da ya gabata. (Fa'iza Mustapha)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China