Gwamnatin Habasha ta jaddada kudurinta na karfafa hulda da kasar Sin karkashin shawarar Ziri Daya da Hanya Daya da kuma dandalin tattauna hadin gwiwar Sin da Afrika.

Wata sanarwa da ofishin Firaministan kasar Abiy Ahmed ya fitar ce ta bayyana haka a jiya.

Sanarwar ta ruwaito Abiy Ahmed na cewa, layin dogon da ya hada Addis Ababa da Djibouti sakamako ne na farko-farko da shawarar Ziri Daya da Hanya Daya da Habasha ke ciki, ta haifar.

Ofishin ya bayyana ziyarar Firaminista Abiy Ahmed a kasar Sin, wanda wani bangaren ne na shawarar Ziri Daya da Hanya Daya, a matsayin mai muhimmanci, yana mai cewa, tuni ziyarar ta haifar da kyawawan sakamako ga kasar dake gabashin Afrika. (Fa'iza Msutapha)