Shugaban kwamitin tsaro na lardin Sadiq al-Husseini, ya shaidawa kamfanin dillancin labarai na Xinhua cewa, jami'an hukumar tattara bayanan sirri ta Diyala tare da goyon bayan sojoji da 'yan sanda, sun kai samamen ne don farautar mayakan IS a yankuna daban daban na lardin.
Dakarun sun cafke mayakan IS, ciki har da wani fitaccen shugabansu, wanda ake ikirarin shi ne jigonsu a lardin.
Sadiq al-Husseini, wanda bai yi karin bayani game da dalilan da suka sabbaba samamen ba, ya ce jami'an tsaron sun yi ammana shugaban da suka cafke makusanci ne ga babban shugaban kungiyar IS, Abu Bakr al-Baghdadi. (Fa'iza Mustapha)