Alkaluman ma'aikatar cinikayyar kasar Sin da aka fitar na nuna cewa, jarin da kasar ta zuba kai tsaye a takardun lamunin kasashe 47 dake cikin shawarar ziri daya da hanya daya ya karu da kaso 8.1 cikin 100 a wannan shekara bisa makamancin lokaci na bara, adadin ya kai dala biliyan 1.33 a watan Janairun wannan shekara.
Wata sanarwa da ma'aikatar ta fiyar na cewa, jarin da kasar ta zuba a bangaren da bai shafi harkokin kudi ba cikin kamfanoni 973 dake kasashen waje a kasashe da yankuna 132 a watan da ya gabata ya kai dala biliyan 9.19 .
Kakakin ma'aikatar Gao Feng ya shaidawa taron manema labarai cewa, baki daya, alkaluman jarin kasar a wannan fanni a watan na Janairu, ya samu riba da kuma inganci, koda yake girman sa ya ragu.(Ibrahim)
