in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Kasar Sin ta lashi takwabin kulla alakar kimiyya da fasahar kere-kere da dukkan bangarori
2019-02-21 20:13:17 cri
Mai magana da yawun ma'aikatar harkokin wajen kasar Sin Geng Shuang ya bayyana cewa, kasarsa za ta yi amfani da damar da sabbin ci gaban da kimiyya da fasahar kere-kere suka kawo wajen karfafa musaya da hadin gwiwar fasahar kere-kere da dukkan bangarori, ciki har da fasahar 5G.

Geng Shuang ya bayyana hakan ne, lokacin da aka tambaye shi yayin taron manema labarai na yau, game da kalaman wasu kasashe dake cewa, wai ya kamata a cire kamfanonin ksar Sin daga aikin gina fasahar nan ta 5G, saboda"barazanar tsaro" kan kayayyaki da hidimar da kasar ke samarwa.

Jami'in na kasar Sin ya bayyana gabannin taron wayoyin sadarwa na duniya na 2019 da zai gudana daga ranar 25 zuwa 28 ga wata a birnin Barcelona na kasar Sfaniya cewa, fasahar 5G ba ta takaita ga kasa guda ko wasu kasashe kalilan ba, amma batu ne na ci gaban tattalin arzikin duniya, da muradun dukkan kasashe da ma ci gaban wayewar kan dan-Adam

Ya kara da cewa, rukunin kamfanonin duniya, da tsarin samarwa da ma adadin fasahar ta 5G a hade suke, kuma babu wanda zai iya raba su ko canja akalarsu, ko kuma ya shafi moriyar juna da hadin gwiwar moriyar juna ta kasa da kasa, wanda hakan ya saba yanayin kasuwa cikin adalci, da kassara dokokin kasa da kasa a fannin daidaito da nuna adalci da rashin nuna wariya.(Ibrahim)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China