in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Shugabannin gwamnatocin kasashe 6 na Turai sun yi kira a inginza ra'ayin kasancewar bangarori da dama
2019-02-21 11:17:55 cri
Shugabannin gwamnatoci na kasashen Finland, Belgium, Netherlands, Denmark, Estonia and Slovenia sun yi kira da a ingiza ra'ayin kasancewar bangarori da dama kan batutuwan da suka shafi harkokin duniya.

Shugabannin sun bayyana haka ne a yayin tattaunawar da suka yi a Helsinki, babban birnin kasar Finland.

A cikin hadaddiyar sanarwar da aka fitar bayan tattaunawar, shugabannin shida sun bayyana cewa, abin da ya fi muhimmanci a gaban duniyar baki daya, shi ne ingiza "tsarin kasa da kasa dake bisa tushen dokoki, da ra'ayin kasancewar bangarori da dama mai amfani", kana sun sake nanata alkawarin da suka dauka na kiyaye amfani da ka'idojin kungiyar WTO.

Baya ga haka, shugabannin shida sun kalubalanci daukar manufar dake shafar kasar Sin bisa manyan tsare-tsare a dukkan fannoni, da kyautata dangantakar dake tsakanin kawancen kasashen Turai da Amurka a fannonin cinikayya da zuba jari, da kuma bunkasa dangantakar dake tsakanin su da kasashen Afirka ta hanyar mafi dacewa. Kana sanarwar ta jadadda cewa, ya kamata kawancen kasashen Turai ya zama mai jagorancin duniya wajen tinkarar sauyin yanayi. (Bilkisu)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China