in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Yawan masu fama da talauci a kauyukan kasar Sin ya ragu da miliyan 13.86 a shekarar 2018
2019-02-18 11:02:47 cri
Rahoton bincike da hukumar kididdiga ta kasar Sin ta bayar a kwanakin baya ya ce, bisa ma'aunin fama da talauci da ake bi a kasar, ya zuwa karshen shekarar 2018, yawan masu fama da talauci a kauyukan kasar ya kai miliyan 16.6, wanda ke nufin adadin ya ragu da miliyan 13.86 bisa karshen shekarar 2017. Yawan sabbin masu fama da talauci kuwa ya kai kashi 1.7 cikin dari, wato ya ragu da kashi 1.4 cikin dari bisa na shekarar 2017.

Ya zuwa karshen shekarar 2018, yawan masu fama da talauci a kauyuka ya ragu zuwa miliyan 16.6 bisa miliyan 98.99 a karshen shekarar 2012, wato ya ragu da miliyan 82.39, sannan yawan sabbin masu fama da talauci ya ragu zuwa kashi 1.7 cikin dari bisa kashi 10.2 cikin dari na shekarar 2012, wato ya ragu da kashi 8.5 cikin dari.

Binciken ya nuna cewa, a shekarar 2018, matsakaicin yawan kudin shiga na ko wane mazaunin kauye a yankuna masu fama da talauci ya kai RMB yuan 10,371, wato ya karu da yuan 994. Wanda ke nufin kowanne mutum 1 ya samu karin kaso 10.6. amma saboda sauyawar farashin kayayyaki, karin ya tsaya ne kan kaso 8.3 cikin dari. Karuwar kudin shigar da mazauna kauyuka masu fama da talauci suka samu, ya fi na dukkan mazauna kauyukan dake fadin kasar Sin. (Bilkisu)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China