Alkalumam hukumar kula da harkokin musayar kudaden ketare ta kasar Sin (SAFE) na nuna cewa, a shekarar 2018, an zubawa hukumomin kasar jarin ketare kai tsaye da darajarsu ta kai dala biliyan 4.073.

Bayanai na nuna cewa, jarin ketare na kai tsaye da aka zuba cikin kasar a shekarar da ta gabata, ya kai dala biliyan 15.36, yayin da jarin da kasar ta zuba kai tsaye a ketare ya kai dala biliyan 11.287.

Kana jarin takardun lamuni da hukumomin kudi na cikin gida suka zuba a shekarar 2018 ya kai dala biliyan 7.35. Baki daya ya zuwa karshen shekarar 2018, jarin kai tsaye na ketare da aka zuba a hukumomin kudin cikin gida ya kai dala biliyan 143.122, yayin da jarin takardun lamunin hukumomin kudin cikin gida ya kai dala biliyan 251.771.(Ibrahim)