in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
2018: Mutane 2,275 suka hallaka a kokarin tsallaka tekun Meditireniya, in ji UNHCR
2019-01-30 20:36:30 cri
Hukumar dake lura da 'yan gudun hijira ta MDD ko UNHCR, ta ce a shekarar 2018 da ta gabata, a kalla mutane 2,275 ne suka rasa rayukan su, ko mutum 6 a kowace rana, ciki hadda wadanda suka bace, yayin da suke kokarin tsallakawa yankunan Turai ta tekun Meditireniya.

Wannan mataki ya sa tekun ya zama mafi hadari, wajen masu yunkurin tsallaka shi, duk kuwa da raguwar bakin haure da ke bin wannan hanya domin isa sassan nahiyar ta Turai.

UNHCR ta fitar da wani rahoto a Larabar nan, mai taken "Tafiyar masu Naci", wanda a cikinsa ta ce adadin masu yunkurin tsallakawa Turai ta tekun ya kazanta a shekarar bara, ko da yake an rika gudanar da ayyukan dakilewa, da na ceton wadanda suka nutse a tekun.

Rahoton ya ce bisa jimilla, bakin haure da 'yan gudun hijira 139,300 ne suka isa Turai a shekarar ta 2018, adadin da shi ne mafi karanci cikin shekaru 5 da suka gabata. (Saminu Hassan)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China