Wani jami'in kasar Somaliya ya bayyana a ranar 29 ga wata cewa, an kai harin bom da aka ajiye a cikin mota a wani gidan mai dake birnin Mogadishu, babban birnin kasar Somaliya a safiyar wannan rana, wanda ya haddasa mutuwar mutane 2 tare da raunatar mutane 5.

Wadanda suka ganewa idonsu faruwar lamarin sun bayyana cewa, fashewar bom din ta lalata gine-gine da dama dake dab da gidan man.

'Yan sanda sun bayyana cewa, kafin fashewar bom din, masu kiyaye tsaro sun shirya yin bincike kan motar dake tsaye a kofar shiga gidan man, jim kadan kuma bom din ya fashe a cikin wannan mota.

Har yanzu babu wata kungiya da ta dauki alhakin kai harin ba. (Zainab)