Shugaban kasar Sudan Omar al-Bashir ya sanar a ranar 28 ga wata cewa, sojojin gwamnatin kasar za su tsagaita bude wuta a jihar South Kordofan don sa kaimi ga kiyaye zaman lafiya da samun sulhu a tsakanin kabilun kasar. Kana ya kalubalanci dakaru masu adawa na SPLM da su shiga yunkurin shimfida zaman lafiya a kasar.

A wannan rana, shugaba al-Bashir ya sanar da tsagaita bude wuta a jihar South Kordofan yayin da yake halartar wani taron gangami da aka gudanar a birnin Kadoli, babban birnin jihar. Ya kuma jaddada cewa, gwamnatin kasar tana maida hankali tare da yin dukkan mai yiyuwa wajen tabbatar da zaman lafiya a dukkan fannoni a yankin.

Shugaba al-Bashir ya kalubalanci SPLM da ta shiga yunkurin shimfida zaman lafiya a kasar don kokarin samun ci gaba mai dorewa a yankin. (Zainab)