in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Saurin bunkasuwar tattalin arzikin duniya zai ragu a bana, in ji Goldman Sachs
2019-01-27 17:16:16 cri
Kwanan baya, shugaban yankin Asiya mai kula da kudade da kaddarori na bangarori masu zaman kansu na kamfanin Goldman Sachs Wang Shengzu, ya bayyana cewa, a shekarar bana, saurin bunkasuwar tattalin arzikin duniya zai ragu a galibin kasashe da yankunan duniya, ciki har da kasar Amurka. Kuma bisa hasashen da aka yi, a bana, adadin saurin bunkasuwar tattalin arzikin kasa da kasa zai kai kashi 3%, bai kai adadi na shekaru biyu da suka wuce ba, wato 3.2%.

Yayin taron manema labaran da aka yi a ranar 25 ga wata, Wang Shengzu ya bayyana cewa, a halin yanzu, tattalin arzikin yana ci gaba da bunkasa cikin sauri a galibin kasashe masu samun ci gaban tattalin arziki. Amma raguwar bunkasuwar tattalin arziki a wasu manyan kasashe, zai bada taimako wajen magance wasu matsaloli, sakamakon saurin bunkasuwar tattalin arzikinsu da bai dace ba.

Ya kara da cewa, bisa hasashen da aka yi, a bana, adadin karuwar tattalin arzikin kasar Amurka zai kai kashi 2.5%, bai kai 2.9% na shekarar 2018 ba. Kana, adadin karuwar tattalin arziki a kasashen Turai zai kai kashi 1.5%, bai kai 1.9% na shekarar data wuce ba. A kasar Japan kuma, adadin karuwar tattalin arzikinta zai kai kashi 1.1%, wanda ya wuce 0.9% na shekarar 2018. A kasar Sin kuwa, saurin bunkasuwar tattalin arzikinta zai kai kashi 6.2%, adadin da ya dace da halin da kasar take ciki. (Maryam)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China