A jiya Alhamis fadar shugaban Amurka ta White House ta sanar da cewa, shugaban kasar Amurka Donald Trump ya soke tawagar kasar daga halartar taron kasashen duniya kan tattalin arziki a birnin Davos, na kasar Switzerland, sakamakon takaitaccen rufewar da aka yiwa ma'aikatun gwamnatin kasar.

"Bisa la'akari da ma'aikatan Amurka 800,000 da ba su samu albashinsu ba kuma domin tabbatar da ganin tawagarsa ta taimaka kamar yadda aka bukata, shugaba Trump ya soke tawagar kasarsa a taron tattalin arziki na duniya a Davos, na kasar Switzerland," inji kakakin fadar ta White House Sarah Sanders.

An dauki matakin soke ziyarar ta kasar Swiss ski ne tun a makon jiya sakamakon takaitaccen rufewar ma'aikatun gwamnatin Amurka kuma an umarci wakilan Amurkan, wanda sakataren kudin Amurkan Steven Mnuchin ke jagoranta, da su halari wani taron dandali na shekara shekara a madadin zuwa Davos din. (Ahmad Fagam)