A cikin sanarwar da fadar shugaban kasar Turkiya ta bayar a wannan rana, Erdoğan da Trump sun jaddada cewa, ya kamata a aiwatar da taswirar hadin gwiwa ta Manbj, don hana fuskantar yanayin rashin samun shugabancin yankin, bayan da kasar Amurka ta janye sojoji daga yankin, da kuma kawar da cikas na janyewar sojojin kasar Amurka. Kana bangarorin biyu sun tatauna, da kafa wani yankin kiyaye maras dakaru a ciki a arewacin kasar Syria, bisa tushen tabbatar da ikon mallakar kasar Syria.
Sanarwar ta kara da cewa, Erdoğan ya jaddada cewa, babu matsala tsakanin Turkiya da Kurdawa dake kasar Syria, kuma burin kasar Turkiya shi ne murkushe kungiyar IS, da jam'iyyar kwadago ta Kurdawa ko PKK da reshenta.
Kakakin fadar shugaban kasar Amurka Sarah Sanders ta bayyana a cikin sanarwar da aka gabatar a wannan rana cewa, shugaba Trump ya bayyana fatansa, na yin hadin gwiwa tare da kasar Turkiya, don warware matsalar tsaro game da yankin arewa maso gabashin kasar Syria, kana ya jaddada cewa, tabbatar da tsaron dakarun Kurdawa yana da muhimmanci ga kasar Amurka. (Zainab)
