in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Zimbabwe zata samar da sabbin takardun kudi a kasar cikin watanni 12
2019-01-13 17:03:18 cri
Ministan kudi da cigaban tattalin arzikin kasar Zimbabwe Mthuli Ncube, ya ce kasar zata samar da takardun kudinta na cikin gida nan da watanni 12 masu zuwa, jaridar Herald mallakar gwamnatin kasar ce ta sanar da hakan a jiya Asabar.

Da yake jawabi a gaban wakilan wani taro na " Road to Davos" wanda ya gudana a ranar Juma'a, a Harare, Ncube ya ce, amfani da dalar Amurka ko kuma kudin rand na kasar Afrika ta kudu ba zai iya magance matsalolin tattalin arzikin kasar ba.

Da aka tambaye shi ko zuwa yaushe ne sabbin kudaden na cikin gida zasu fara aiki, Ncube ya ce, komai zai kammala ne kasa da watanni 12.

Zimbabwe ta kaddamar da shirin amfani da nau'o'in kudade a kasar a shekarar 2009, bayan da darajar kudin kasar ta fadi kasa warwas a sakamakon mummunan tashin farashin kayayyaki a kasar.

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China