Shugaban kasar Sin Xi Jinping, ya bukaci aiwatar da matakan cimma muhimman kudurori a tsarin gudanar da gwamnati. Shugaban wanda kuma shi ne babban sakataren kwamitin koli na JKS, ya bayyana hakan ne a Juma'ar nan, yayin cikakken zama na uku na hukumar sa ido da ladaftarwar JKS karo na 19.

Shugaban ya ce akwai bukatar fadada kwazo, wajen inganta ayyukan jam'iyya, da kuma tabbatar da cimma manyan kudurori, da gudanar da ayyukan gwamnati bisa doka.

Xi, wanda kuma shi ne shugaban hukumar zartaswa ta rundunar sojojin kasar Sin, ya ja hankalin masu ruwa da tsaki, wajen ci gaba da aikin tabbatar da wanzuwar nasarorin da aka riga aka samu a fannin yaki da cin hanci. (Saminu Hassan)