Kakakin ma'aikatar harkokin wajen kasar Sin Lu Kang, ya furta a yau Alhamis cewa, ya yi murnar aza harsashin ginin kamfanin Tesla mai samar da motocin dake aiki da lantarki na kasar Amurka a kasar Sin. Kamfanin Tesla ya fara gina reshen ma'aikatarsa na farko dake wajen kasar Amurka a birnin Shanghai na kasar Sin.
A cewar jami'in, kasar Sin tana tsayawa kan manufarta ta bude kofa, da huldar hadin gwiwa irinta amfanar juna, sa'an nan kasar na maraba da karin kamfanonin ketare, da su yi amfani da damammakin da ci gaban kasar Sin ke samarwa. (Bello Wang)
