A Larabar nan ne kasar Sin ta taya Mr. Andry Rajoelina murnar lashe zaben shugabancin kasar Madagascar, bayan da kotun tsarin mulkin kasar ta ayyana shi, a matsayin wanda ya lashe sama da kaso 55 bisa dari, na jimillar kuri'un da aka kada a zaben kasar na watan da ya gabata.

Da yake gabatar da sakon taya murnar, yayin taron manema labarai da ya gudana a yau, kakakin ma'aikatar harkokin wajen kasar Sin Lu Kang, ya ce "Muna taya Rajoelina murnar zama sabon shugaban Madagascar". (Saminu Hassan)