in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Wayar da shugabannin Sin da Amurka suka buga da juna ta shaida burinsu na daidaita matsaloli da cimma daidaito ta hanyar yin hadin gwiwa
2018-12-31 16:51:15 cri
A ranar 29 ga wata ne, shugaban kasar Sin Xi Jinping ya buga waya ga takwaransa na kasar Amurka Donald Trump, inda suka yi musayar sakon murnar sabuwar shekara, tare da fatan za a cimma yarjejeniyar samun moriyar juna da amfanawa duniya a tsakaninsu. Kafofin watsa labaru da manazarta na kasashen biyu sun maida hankali sosai kan wannan batu.

Manazarta a birnin Beijing na kasar Sin sun yi nuni da cewa, hadin gwiwa zai kawo moriya, yayin da abin da rikici zai kawo sai hasara, wannan su ne darusan da aka samu a cikin shekaru 40 da kulla dangantakar diplomasiyya a tsakanin Sin da Amurka. Don haka ya kamata kasashen biyu su kara yin mu'amala da hadin gwiwa a fannoni daban daban, da girmama moriyar juna, da kokarin raya dangantakar dake tsakaninsu bisa tushen hadin gwiwa da zaman lafiya, yadda kasashen biyu da ma duniya baki daya za su amfana.

Jaridar The Wall Street Journal ta labarta cewa, shugabannin kasashen biyu sun yi mu'amala sosai, da yin shawarwari kan cinikayya a tsakaninsu yadda ya kamata, wanda ya sanya imani ga kasuwar hannayen jari ta kasar Amurka. Kamfanin dillancin labaru na Bloomberg yana ganin cewa, wayar da shugabannin kasashen biyu suka bugawa juna ta shaida cewa, shugabannin kasashen biyu sun amince da ci gaban da aka samu a shawarwarin cinikayya a tsakaninsu. Labarin ya kara da cewa, an samu canji kan yanayin raya dangantakar dake tsakanin kasashen biyu, a don haka yana da muhimmanci sosai da kasashen biyu su raya dangantakar tattalin arziki da cinikayya a tsakaninsu. (Zainab)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China