in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Dubban mutane sun yi zanga zanga a Brussels don nuna adawa da yarjejeniyar makaurata ta MDD
2018-12-17 10:21:02 cri
Dubun dubatar masu zanga zanga sun yi fito na fito da jami'an 'yan sanda a yayin da suka fito don nuna adawa da yarjejeniyar makaurata ta MDD a jiya Lahadi, yayin da a hannu guda wasu mutanen sama da 1,000 suka shirya nasu gangamin don nuna goyon baya ga yarjejeniyar a rana guda.

Masu zanga zangar suna bayyana adawarsu ne bisa yarjejeniyar makauratan wanda MDD ta sanyawa hannu a Marrakech a makon jiya, masu zanga-zangar sun nuna fargaba game da yarjejeniyar inda suke ganin zata iya haifar da yawaitar masu yin hijira.

Jami'an 'yan sanda sun yi amfani da hayaki mai sa hawaye da Motar fesa ruwa a lokacin arangama da masu zanga zangar a kusa da helkwatar kungiyar tarayyar Turai.

Rahotanni sun ce, sama da masu zanga zangar 5,500 ne suka yi dandazo daga bangarorin biyu.

Ofishin masu gabatar da kara a birnin Brussels sun tabbatar da cafke mutane dari daya.

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China