Kudurin mai taken, 'kiwon lafiya da sabon tsarin: samar da lafiya a duniya ta hanyar abinci mai gina jiki" ya bukaci kasashe mambobin majalisar, su aiwatar da tsarin ba iyaye mata da jarirai da kuma kananan yara abinci mai gina jiki.
Ya kuma karfafawa kasashen gwiwar karewa da samar da isasshen abinci ga mata da 'yan mata da kuma yara, musammam yayin da rainon ciki da shayarwa, a lokacin da bukatar sinadaran gina jiki ke karuwa, tare da mayar da hankali musammam ga ranaku 1,000 na farkon samun juna biyu har zuwa shekaru 2.
Har ila yau, kudurin, ya yi kira ga kasashen su inganta tare da taimakawa dorewar aikin gona da inganta huldar kasa da kasa domin saukaka cinikayyar albarkatun gona. (Fa'iza Mustapha)
