in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Masu ba da gudunmowa sun yiwa MDD alkawarin dala miliyan 926 don tallafawa 'yan gudun hijira a 2019
2018-12-13 11:08:04 cri
Hukumar kula da 'yan gudun hijira ta MDD UNHCR, ta sanar a jiya Laraba cewa, gwamnatocin kasashen duniya dake samar da tallafi sun sha alwashin samar da kudi dalar Amurka miliyan 926 a zagayen farko na alkawurran da suka dauka don tallafawa 'yan gudun hijira da mutane marasa galihu dake rayuwa a sansanonin 'yan gudu hijira a shekarar 2019.

Da suke bayani game da alkawarin da suka dauka a lokacin taron gidauniyar neman taimakon kudaden da aka shirya a birnin Geneva, a daidai lokacin da duniya ke fama da yanayi mai sarkakiya sakamakon tashe tashen hankula, hukumar ta UNHCR ta sanar da cewa, wadannan alkawurra na farko farko muhimman alamu ne dake nuna yiwuwar samun kudaden da ake bukata don gudanar da ayyukan jin kan.

A cewar hukumar UNHCR, halin da duniya ta tsinci kanta a yau na samun sabbin mutane dake kauracewa matsugunansu, da kuma dimbin tashe tashen hankulan da suka ki ci suka ki cinyewa suna cigaba faruwa babu kakkautawa.

Hukumar MDD ta bayyana cewa, a lokaci guda ana fama da karin sabbin matsalolin da suka hada da sauyin yanayi, talauci da rashin daidaito, suna daga cikin dalilan dake kara ruruta wutar rikice rikice, wadanda daga bisani suke kara haifar da karuwar sabbin mutanen dake kauracewa matsugunansu domin neman mafaka a wuraren da aka kebewa 'yan gudun hijira. (Ahmad Fagam)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China