in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Asusun bada agajin gaggawa na MDD ya samu tagomashi a taron neman gudunmowar kudade
2018-12-08 16:34:00 cri
Taron da aka gudanar a ranar Juma'a na asusun bada agajin gaggawa na MDD (CERF), an samu alkawurra daga masu bada tallafin kudade mafi girma wanda ya kai na dalar Amurka miliyan 439 domin ayyukan asusun MDDr na shekarar 2019 da kuma karin tallafin shekarar 2018, hakan ya tabbatar da samun jimmalar kudin tallafin da ya kai dala miliyan 554 da aka baiwa hukumar a cikin wannan shekarar.

"hukumar CERF, ba kawai ya kasance a matsayin asusu mafi saurin samar da tallafi ga mutanen da rikici ya afka musu ba ne, har ma ya kasance a matsayin wani muhimmin asusu dake samar da ayyukan jin kan bil adama a duniya baki daya," inji babban sakataren MDD Antonio Guterres wanda ya bayyana hakan a lokacin bude taron gidauniyar neman tallafin kudaden.

Asusun wanda babban taron MDD ya kafa shi a shekarar 2005, ya kasance daya daga cikin muhimman hanyoyin dake samar da taimako akan lokaci da kuma aikin ceton rayukan al'umma, yana sahun gaba wajen yin hadin gwiwa don samar da taimakon gaggawa na jin kan bil adama.

Tun bayan kafa shi, asasun ya tallafawa miliyoyin mutane a kasashen duniya da yankuna sama da 100 da kudaden da ya zarta dalar Amurka biliyan 5.5, a sakamakon kokari na bangarori masu bada tallafi da masu tallafawa ayyukan hukumar ba tare da nuna gajiyawa ba.

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China