in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
An cimma gagarumar nasara a taron APEC, in ji wani jami'in kasar Sin
2018-11-19 10:49:43 cri
Babban daraktan sashen lura da al'amuran tattalin arzikin kasa da kasa a ma'aikatar harkokin wajen kasar Sin Wang Xiaolong, ya ce bisa hadin gwiwar dukkanin sassa, an kai ga cimma gagarumar nasara, yayin taro na 26, ta hadin gwiwar raya tattalin arzikin yankunan Asia da Fasifik.

Wang Xiaolong, ya shaidawa manema labarai cewa, taron ya haifar da kara bunkasa hadin kai a fannin aiwatar da manufofin kungiyar APEC. Ya ce Sin na dora muhimmancin gaske ga manufofin taron. Kaza lika ya ce kalaman da shugaban kasar Sin Xi Jinping ya yi, a yayin bikin bude taron, sun kunshi wasu shawararwari game da kara bude kofa ga juna, da samar da ci gaba, da cudanya tsakanin dukkanin sassa, da inganta kirkire kirkire, da bin doka da oda, da karfafa hadin gwiwar kasa da kasa, da bunkasa tattalin arzikin duniya a tsarin gudanarwa, tare da fuskantar kalubale tare.

Game da batun gudanar da cinikayya tsakanin sassa da dama kuwa, Mr. Wang ya ce mafi yawan wakilan kasashe mahalarta taron, sun nuna goyon bayan su ga hakan, yana mai fatan kungiyar cinikayya ta duniya WTO, za ta taka rawar da ta dace, domin cimma karin nasarori a wannan fanni.

Da yake amsa tambayoyi game da fa'idojin da aka samu, a fannin cimma nasarorin raya tattalin arziki da cinikayya kuwa, Mr. Wang cewa ya yi, taron ya ciri tuta, musamman a wasu muhimman fannoni guda biyar. (Saminu Hassan)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China