in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
IEA: Kasar Sin za ta ci gaba da zama kasar da ta amfani da iskar gas a duniya
2018-11-14 10:56:16 cri
Darektan hukumar makamashi ta duniya IEA Dr. Fatih Birol ya bayyana cewa, kasar Sin za ta ci gaba da kasance kasa mafi amfani da iskar gas a duniya, yayin da kasar ke kokarin bullo da kafofin makamashi mai tsafta a nan gaba.

Darektan wanda ya bayyana hakan yayin wani taron manema labarai a birnin London na kasar Burtaniya, ya ce, bukatar amfani da iskar gas na karuwa matuka. Yanzu haka tasirin kasar Sin a kasuwar iskar gas dai-dai yake da tasirin da aka gani shekaru 10 da suka gabata a fannin bukatar kasar ta Sin a kasuwannin mai.

Birol ya ce, kasar Sin ta zama kasar da ta fi kowace kasa shigo da iskar gas a duniya, inda ta sha gaban kasar Japan, kuma wannan yana da matukar illa ga kasuwa da ma farashin na gas.

Sai dai kuma rahotanni na cewa, bukatar gas a duniya za ta karu da kaso 1.6 cikin 100 a kowace shekara har zuwa shekarar 2040, inda bukatar za ta karu da kaso 45 cikin 100 kan bukatar da ake da ita a halin yanzu, ciki har da Iskar gas wadda ake hasashen za ta zama kafar makamashi ta biyu a duniya nan da shekarar 2030 bayan makamashin kwal, yayin da manyan masu amfani da makamashi a duniya ke kokarin rage fitar da abubuwa masu gurbata muhalli. (Ibrahim Yaya)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China