in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
WFP ya fara rabon abinci a sansanonin 'yan gudun hijirar yankunan Kamaru dake da rinjayen masu amfani da Turancin Ingilishi
2018-11-13 10:16:14 cri
Shirin samar da abinci na MDD WFP, ya fara rabon abinci a jiya, ga 'yan gudun hijirar dake yankunan Kamaru masu amfani da Turancin Ingilishi, wadanda ke fama da rikici.

Jami'an WFP, sun ce an fara rabon abincin ne ga 'yan gudun hijirar dake yankin Yamma da kuma yankin Littoral, wadanda ke kan iyakar yankunan kasar 2, na arewa maso yamma da kudu maso yamma dake da rinjayen masu amfani da Turancin Ingilishi.

Nazarin da tawagar MDD ta yi, ya nuna cewa akwai kimanin 'yan gudun hijira 78,000 a yankin yamma da kuma Littoral.

Jami'an sun ce 'yan gudun hijira 50,000 ne, za su samu agagjin abinci metric ton 1,900 a cikin kashin farko na rabon.

A cewar babban wakilin WFP a Kamaru, za su yi nazarin yadda aikin ya gudana bayan kammala kashin na farko, daga nan sai su san yadda za su ci gaba da aiwatar da shi. (Fa'iza Mustapha)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China