Kasar Sin ce dai ta daukin nauyin aikin gina gadar ta Maputo wadda ta hade wasu hanyoyi kuma kamfanin gina hanya da gadoji na kasar Sin ne ya ginata bisa ma'aunin kasar Sin. Gadar mai tsawon kilomita uku, tana da fadin mita 680 a kan yankin Maputo dake tekun Indiya.
Da yake jawabi yayin bikin kaddamar da gadar, shugaba Filipe Jacinto Nyusi na Mozambique, ya bayyana cewa, gadar za ta taimaka wajen saukaka zirga-zirga tsakanin kasar da yankin arewacin nahiyar Afirka, da tabbatar da fatan Afirka da aka gina yayin kafa kungiyar AU a shekarar 1963.
Shugaban ya kuma bayyana godiya ga gwamnati da al'ummar kasar Sin , bisa ga goyon bayan da suka ba da wajen samar da wannan gada da ma yadda suka kula da aikin gina gadar, yana mai cewa, Mozambique ta shiga taswirar duniya, na zama kasar da ke da gadar zamani mafi tsawo a Afirka.(Ibrahim)
