in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Basirar baki na da muhimmanci ga kirkire kirkire a kasar Sin, in ji firaministan kasar
2018-10-01 15:36:40 cri
Firaministan Sin Li Keqiang, ya ce basirar baki 'yan kasashen waje, da dabarun samar da ci gaba na bakin, na da matukar muhimmanci ga tsarin kasar Sin na ciyar da kirkire kirkire gaba.

Mr. Li Keqiang ya bayyana hakan ne a jiya Lahadi, yayin da ya halarci bikin karrama wasu baki 'yan kasashen waje, da suka samu lambobin yabo na sada zumunta na Sin, wanda ake bayarwa a duk shekara, ga wadanda suka taka muhimmiyar rawa wajen ciyar da kasar ta Sin gaba.

An dai gudanar da bikin ba da lambobin yabon ne a dakin taruwar jama'a dake nan birnin Beijing,

Firaministan ya ce irin wadannan kwararru 'yan kasashen waje, na ba da gudummawar gaske, a fannin raya tattalin arziki da zamantakewa, da musaya tsakanin Sin da kasashen waje.

Mr. Li ya kara da cewa, Sin na maraba da karin gudummawar baki 'yan kasashen ketare, a fannin samar da ci gaban kirkire kirkire. Yana mai fatan za a hade basirun gida da na kasashen waje wuri guda, domin bunkasa kirkire kirkire, da fadada ci gaban ilimin kimiyya na duniya, da kara wayewa a fannin raya fasahohi da ci gaba, da kuma samar da ci gaba cikin lumana, da hade sassan ci gaban duniya wuri guda. (Saminu Hassan)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China