Ma'aikatar harkokin wajen Amurka ta ce sai Koriya ta arewa ta lalata makamanta na nukiliya kafin ta bayyana matakin da za ta dauka a nata bangaren.

Da aka tambaye shi game da bukatar da Koriya ta arewa ta gabatar a baya-bayan nan yayin ganawarta da takwararta ta Kudu, ko kuma matakan da Amurka za ta dauka wadanda suka dace da lalata makamanta na nukiliya, sai kakkakin ma'aikatar ta Amurka Heather Nauert, ta ce babu wani abu da zai faru idan har arewar ba ta lalata makaman ba, domin lalata su shi ne abun da ya kamata a fara yi. (Fa'iza Musatpha)