Yayin da yake ganawa da shugaban kasar Equatorial Guinea, Teodoro Obiang Nguema Mbasogo, shugaba Xi ya ce, Sin na maraba da Equatorial Guinea don shiga ayyukan shawarar "ziri daya da hanya daya", da nuna goyon-baya ga kamfanonin kasar Sin don su inganta muhimman ababen more rayuwar jama'a a kasar.
Yayin da yake ganawa da shugaban kasar Namibiya, shugaba Xi ya ce, kasar Sin na fatan kara yin mu'amala da cudanya tsakanin manyan jami'anta da na Namibiya, da kara samun fahimtar juna da goyon-bayan juna a kan wasu muhimman batutuwa da dama.
Har wa yau, yayin da yake ganawa da shugaban kasar Sudan, Omar al-Bashir, shugaba Xi ya ce, kasar Sin na nuna cikakken goyon-baya ga kasar Sudan kan kokarin da take yi na tabbatar da zaman lafiya da kwanciyar hankali a kasar, kuma Sin na fatan kara hadin-gwiwa da Sudan a fannin makamashi da ayyukan gona.
Yayin da yake ganawa da shugaban kasar Senegal, shugaba Xi Jinping ya jaddada cewa, inganta hadin-gwiwar Sin da Afirka wajen raya makomar bil'adama ta bai daya, na da muhimmancin gaske ga samun bunkasuwa da inganta hadin-gwiwa tsakanin kasashe masu tasowa.
A wani labari kuma, yayin ganawarsa da firaministan kasar Mauritius, Pravind Jugnauth, shugaba Xi ya ce, kasar Sin za ta ci gaba da nunawa Mauritius goyon-baya ta yadda za ta taka muhimmiyar rawa a batutuwan kasa da kasa da na shiyya-shiyya.(Murtala Zhang)
