Wani gini mai hawa 4 ya rufta jiya Juma'a a Abuja babban birnin Nijeriya, lamarin da ya yi sanadin mutuwar mutum guda yayin da wasu 18 ke makale karkashin baraguzai.

Kawo yanzu mutane 6 aka ceto, yayin da ake ci gaba da aikin don binciko wadanda suka makale.

Akalla mutane 25 ne ke cikin ginin wanda ake ginawa a unguwar Jabi na Abuja a lokacin da ya rufta jiya da rana.

Mamakon ruwan sama da aka yi a birnin jiya, ya kawo tsaiko ga aikin ceton.

Tuni dai aka fara gudanar da bincike don tantance musababbin rushewar ginin. (Fa'iza Mustapha)