in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Sharhi: Yakin cikinin da kasar Amurka ta tayar zai raunana tattalin arzikin duniya
2018-08-09 19:24:03 cri
A watan Mayun bana, gwamnatin kasar Amurka ta sanar da janye jiki daga yarjejeniyar batun nukiliyar kasar Iran. Sa'an nan daga ranar 7 ga wata, wannan mataki ya fara yin tasiri, inda kasar Amurka ta maido da takunkuman da ta kakaba wa Iran din, wadanda suka shafi harkokin kera motoci, da zirga-zirgar jiragen sama, da dai sauransu.

Masharhanta na ganin cewa, wasu matakan da gwamnatin kasar Amurka ta yanzu ta dauka, suna haifar da mummunan tasiri ga tattalin arzikin duniya, wadanda suke zagon kasa ga tattalin arzikin dake farfadowa. Yadda Amurka ta maido da takunkuman da a baya aka janyewa Iran tamkar wata shaida ce ga haka.

Kafin haka, asusun ba da lamuni na duniya IMF ya yi gargadin cewa, tattalin arzikin duniya ka iya shiga cikin mawuyacin hali. Kana a cewar bankin duniya, tsanantar tabarbarewar ciniki za ta yi babbar illa ga cinikin kasa da kasa, irin wanda rikicin hada-hadar kudi na shekarar 2008 ya yi, inda kasashe masu tasowa za su fi jin radadin hakan, ganin yadda suke dogaro kan wasu sassa dake matsayin manya a fannin raya tattalin arzikin duniya.

Hakika matakan da gwamnatin Amurka ta dauka, irinsu janye jiki daga yarjejeniyar nukiliyar Iran, da tada yakin ciniki, da janye jiki daga yarjejeniyar Paris, da kungiyar UNESCO, dukkansu sun sheda wani yanayin musamman na manufofin diflomasiyyar kasar Amurka, wato "rashin tabbas."

Dangane da lamarin, masu nazarin al'amuran duniya na ganin cewa, manufar kasar Amurka ba ta dace da matsayin kasar na tattalin arziki mafi girma, da babbar kasa mafi tasiri a duniya ba. (Bello Wang)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China