in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Sharhi: Dalilin da ya sa Amurka ta kara baiwa kayayyakin Sin harajin kwastam
2018-08-09 11:09:38 cri
Bayan da aka kara baiwa kayayyakin Sin da aka shigar da su zuwa kasar Amurka da darajarsu ta kai dala biliyan 34 harajin kwastam da kashi 25 cikin dari tun daga ranar 6 ga watan Yuli, ofishin wakilan ciniki na kasar Amurka ya gabatar a ranar 7 ga watan Agusta da kara baiwa kayayyakin Sin da aka shigar zuwa kasar Amurka da darajarsu ta kai dala biliyan 16 harajin kwastam da kashi 25 cikin dari, za a fara gudanar da shi tun daga ranar 23 ga watan Agusta. Kakakin ma'aikatar harkokin ciniki ta kasar Sin ya yi jawabi a daren ranar 8 ga wata cewa, kasar Amurka ta sake kyale dokokin kasa da kasa, aikinta bai dace ba. Dole ne kasar Sin ta mayar da martani don tabbatar da moriyarta da tsarin ciniki a tsakanin bangarori daban daban. Don haka Sin ta tsaida kudurin kara baiwa kayayyakin Amurka da aka shigar zuwa Sin da darajarsu ta kai dala biliyan 16 harajin kwastam da kashi 25 cikin dari, kuma za a fara gudanar da shi a lokaci daidai da na kasar Amurka.

Gwamnatin kasar Amurka, ta kara harajin kwastam ga kayayyakin Sin don hana bunkasuwar kasar Sin, da kiyaye matsayinta na farko a duniya, kana akwai wani dalili na daban. Manyan kamfanonin samar da karfe na kasar Amurka sun yi amfani da dalilin tabbatar da tsaron kasa da sa kaimi ga samar da karfe a kasar ta hanyar daga harajin kwastam don taimakawa gwamnatin kasar Amurka wajen kin amincewa da rokon kamfanonin kasar na rage harajin kwastam. An yi nunin cewa, wasu manyan jami'an gwamnatin kasar Amurka suna yin mu'amala sosai tare da sha'anin karfe, alal misali, ministan harkokin ciniki na kasar Amurka ya taba sayen wasu kamfanonin samar da karfe, sai dai ya sayar da su don samun riba.

Kara harajin kwastam ya iya tabbatar da tsaron kasar Amurka ne? Watakila jami'an gwamnatin kasar Amurka ba su tabbata ba, amma sun yi imani cewa, kara harajin kwastam zai kawo moriya gare su. Don haka, ba su yi la'akari da moriyar kamfanoni da masu kashe kudi ba. (Zainab)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China