Game da yarjejeniyar cinikayya da aka cimma tsakanin kasar Amurka da kungiyar tarayyar Turai ko kuma EU a takaice, mai magana da yawun ma'aikatar harkokin wajen kasar Sin Geng Shuang, ya bayyana yau Alhamis a nan birnin Beijing cewar, idan Amurka da EU za su iya daidaita sabanin cinikayyarsu ta hanyar yin shawarwari, hakan ba ma kawai zai dace da moriyarsu ba ne kadai, har ma zai zama wani al'amari mai kyau ga duk fadin duniya.

Ya ce Sin na fatan kokari, gami da fatan matakan da suka dauka za su dace da ka'idojin cinikayya na bangarori daban-daban. (Murtala Zhang)