in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Rundunar sojan kasar Sin za ta fara daukar fararen hula
2018-07-12 09:43:59 cri
Rundunar sojojin 'yantar da al'umma ta kasar Sin (PLA) ta ce ta fara wani shiri na daukar fararen hula aikin soja, a wani mataki na kara daukar jami'ai masu hazaka da kwarewa a cikin aikin soja.

Tsarin daukar fararen hula aikin soja wanda hukumar kolin sojan ta amince da shi, ya kasance irinsa na farko tun da aka fara aiwatar da shirin yin gyare-gyare a harkokin tsaron kasa da na sojojin kasar a karshen shekarar 2015.

Karkashin wannan shiri, a wannan shekara rundunar sojan kasar na fatan daukar fararen hula da suka kware a wasu fannoni domin ba su damar rike wasu muhimman gurabe a rundunar.

Masu sha'awa suna iya aikewa da bukatunsu na neman wadannan gurabe ta shafin intanet daga ranar 12-22 ga wannan wata na Yuli, kana za a shirya jarabawa a ranar 26 ga watan Agusta. Ana fatan kammala daukar ma'aikatan a karshen wannan shekara.

Kafin haka, za a sanar da jama'a game da guraben aikin,ka'idoji da tsari da matakan da za a bi wajen zabar wadanda suka cancanta, domin nuna adalci. (Ibrahim)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China